The Taking of Pelham 123 (títol orichinal en anglés, en aragonés A toma de Pelham 123, enguerada en Aragón con o títol en castellano d'Asalto al tren Pelham 123, en aragonés Asalto a lo tren Pelham 123) ye una cinta de cine d'acción d'intriga policiaca de l'anyo 2009 coproducida por o cine britanico y lo cine estausunidense dirichida por Tony Scott seguntes un guión adaptau por Brian Helgeland (basau en a novela The Taking of Pelham One Two Three, publicada por John Godey en 1973 y que ha conoixiu bellas atras adaptacions en o formato cinematografico), con una banda sonora orichinal de Harry Gregson-Williams, una dirección de fotografía de Tobias A. Schliessler y una producción cinematografica de Todd Black, Tony Scott, Jason Blumenthal y Steve Tisch. Fan parte de l'elenco d'a cinta, en os suyos papels principals, os actors Denzel Washington, John Travolta, John Turturro, Luis Guzmán, Michael Rispoli, James Gandolfini, Gbenga Akinnagbe, Frank Wood, John Benjamin Hickey, Gary Basaraba y Ramón Rodríguez.
Walter Garber ye un controlador ferroviario que controla la circulación de trens en a Metropolitan Transportation Authority d'a ciudat de Nueva York. Bel día recibe una grita d'un hombre que se fa clamar Ryder y que ha secuestrau o Pelham 123, un d'os trens d'o metro de Nueva York y mantiene como hostaches a los suyos pasachers. Ta liberar-los, reclama que se li paguen 10 millons de dólars en un plazo maximo duna hora. Walter se fa cargo d'o contacto en as negociacions con o secuestrador, pero él mesmo ye investigau porque se piensa que ha accceptau un soborno d'una interpresa de Chapón por recomanar la compra d'os suyos productos.
The Taking of Pelham 123 s'ambienta en o momento actual d'a cinta (2009) en a ciudat de Nueva York y las suyas escenas se filmoron en Toronto (Ontario, Canadá) y en Nueva York (Nueva York, Estaus Unius).[2] Ye una cinta que ha recibiu cuantos premios y nominacions, encara que garra d'éls fa parte d'os premios mas conoixius u destacaus.
© MMXXIII Rich X Search. We shall prevail. All rights reserved. Rich X Search